LUK skal sette kommunane i enda betre stand til å planlegge, mobilisere, samarbeide om og gjennomføre utviklingstiltak.

Føremålet med det utlyste oppdraget er

1)  å kartleggje fylkeskommunane og kommunane sitt arbeid med å utvikle attraktive lokalsamfunn
2)  å formidle kunnskap til og rettleie deltakarane i satsinga undervegs
3)  ei resultatevaluering av satsinga Lokal samfunnsutvikling i kommunane (LUK) etter 5 år.

 

I St. meld. nr 25 (2008-2009) Lokal vekstkraft og framtidstru er aktivt lokalt utviklingsarbeid og utvikling av attraktive lokalsamfunn i kommunane løfta fram som viktig for å nå hovudmålet i distrikts- og regionalpolitikken. Kommunane har ei nøkkelrolle i å utvikle attraktive lokalsamfunn anten det gjeld arbeidsplassar, infrastruktur, tenestetilbod, gode bu- og sentrumsområde, fritidstilbod, inkludering av tilflyttarar, eller å bringe fram ressursar i innbyggjarane.

For å bidra til å få til dette etablerte KRD i 2009 satsinga Lokal samfunnsutvikling i kommunane (LUK). Satsinga skal gå over 5 år frå 2010, og skal styrke fylkeskommunane si rolle som rettleiar, koordinator og støttespelar i kommunane sitt arbeid med å byggje attraktive lokalsamfunn.

Det metodiske opplegget og gjennomføringsplanen byggjer på det faglege perspektivet ”stedsinnovasjon”, som er utvikla av Telemarksforsking og Arbeidsforskingsinstituttet i fellesskap, som eit resultat av arbeidet i VRI Telemark.

Prosessrettleiinga byggjer på eit evaluerings- og læringssystem som skal dekke alle deltakande kommunar og fylkeskommunar, samt sentral prosjektleiing, men med hovudvekt på prosessar knytt til fylkeskommunane.

Læringsarenaene skal anvende dei eigenutvikla verktøya LUK-loop og LUK-radar.

LUK-loop er ein modell for kunnskapsdeling og kunnskapsvekst i 5 loopar.

LUK-radar er eit verktøy fylka kan bruke i sin prosjektutvikling, og eit verktøy fylka igjen kan tilby kommunane.

Prosjektleiar og kontaktperson i Telemarksforsking: Solveig Svardal

 

Les meir på Kommunal- og regionaldepartementet sine sider.

© Telemarksforsking | Postboks 4, 3833 Bø i Telemark | T +47 35 06 15 00 | F +47 35 06 15 01